د افغان خبریالانو خوندیتوب کمېټې په هرات ولایت کې د اطلاعاتو او کولتور وزارت د خپرونو معين حیات الله مهاجر فراهي سره ولیدل.
په لویدیځ زون کې د د افغان خبریالانو خوندیتوب کمېټې استازي شميل احمد مشعل په خپلو خبرو کې د رسنيو د فریکونسۍ جواز د مالیاتو د کمښت او اطلاعاتو ته د خبریالانو د لاسرسي په تړاو خبرې وکړې او له رسنيو څخه د حکومت پر ملاتړ او همکارۍ يې ټينګار وکړ.
د اطلاعاتو او کولتور وزارت د خپرونو معين ژمنه وکړه چې د رسنیو او خبریالانو د کار پر وړاندې د پرتو ستونزو د حل په موخه به اړوندو چارواکو سره خبرې وکړي.
د افغان خبريالانو خوندیتوب کمېټه، د رسنيو د کار پر وړاندې د پرتو ستونزو د حل او خبريالانو ته د خوندي کاري چاپيريال د رامنځته کولو په موخه پرلپسې هڅې کوي.
