د افغان خبریالانو د خوندیتوب کمیټه په ټول افغانستان کې د مسلکي او نويو خبریالانو لپاره د جنګ او تاوتریخوالي پرمهال د راپور ورکولو، د خوندیتوب او حساس ژورنالیزم په اړه منظم لنډمهاله او اوږدمهاله وړیا روزنیز کورسونه جوړوي. د دغو کورسونو مواد د ژورنالیزم له نړیوالو معیارونو سره سم او د جګړېز راپور ورکولو، خوندیتوب او حساس ژورنالیزم په برخه کې له ملي او بین المللي کارپوهانو سره په مشوره چمتو شوي دي. هر کال د افغان خبریالانو د خوندیتوب کمیټه د نورو بنسټونو په همکارۍ او یا هم په یوازې توګه دغه روزنیز پروګرامونه جوړوي.
که تاسو خبریال یاست او غواړئ له دغو روزنېزو پروګرامونو څخه ګټه واخلئ نو مهرباني وکړئ موږ سره د لاندې ټلیفون (0702502087) یا بریښنالیک (info@ajsc.af) له لارې اړیکه ونیسئ.