افغان خبریالانو خوندیتوب کمېټې په تېره یوه میاشت کې په پروان، ننګرهار، بلخ، زابل، پنجشیر، ارزګان، سمنګان، کاپیسا، پکتیا او لوګر ولايتونو کې د خبريالانو او رسنيو د کار پر وړاندې د پرتو ستونزو د حل او ګډو کمېټو د ځواکمنتیا په موخه د حکومت او رسنيو د ګډو کمېټو کاري غونډې وکړې.
په دغو غونډو کې په دغو ناستو کې، د پروان والي، د زابل، ارزګان او پنجشیر ولايتونو مرستيالان، د اطلاعاتو او کلتور ریاستونو چارواکو، د سیمه ييزو ادارو ویاندویانو او استازو، په یادو ولايتونو کې د سیمه ییزو رسنيو مسوولینو او خبریالانو او د افغان خبریالانو خوندیتوب کمېټې د زونونو مسوولینو او ولايتي استازو برخه اخېستې وه.
په دغو ناستو کې د رسنيو د کار پر وړاندې د پرتو ستونزو، د خبریالانو خوندیتوب، د رسنيو اقتصادي او نشراتي ستونزو، د ویاندویانو ټاکلو، اطلاعاتو ته د لاسرسي او د حکومت او رسنيو ترمنځ د ښو کاري اړیکو د رامنځته کولو په موخه خبرې اترې وشوې.
افغان خبریالانو خوندیتوب کمېټه د رسنيو د کار پر وړاندې د پرتو ستونزو د حل او خبریالانو ته د خوندي کاري چاپيريال د رامنځته کولو لپاره تل هڅې کوي.
