د افغان خبریالانو د خوندیتوب کمیټه په ټول افغانستان کې د مسلکي او نويو خبریالانو لپاره د سایبري خوندیتوب په اړه منظم لنډمهاله او اوږدمهاله وړیا روزنیز کورسونه جوړوي. د دغو کورسونو مواد د ژورنالیزم له نړیوالو معیارونو سره سم او د سایبري خوندیتوب په برخه کې له ملي او بین المللي کارپوهانو سره په مشوره چمتو شوي دي. هر کال د افغان خبریالانو د خوندیتوب کمیټه د نورو بنسټونو په همکارۍ او یا هم په یوازې توګه دغه روزنیز پروګرامونه جوړوي.
که تاسو خبریال یاست او غواړئ له دغو روزنېزو پروګرامونو څخه ګټه واخلئ نو مهرباني وکړئ موږ سره د لاندې ټلیفون (0702502087) یا بریښنالیک (info@ajsc.af) له لارې اړیکه ونیسئ.