د افغان خبریالانو خوندیتوب کمېټې له لوري په ننګرهار، غزني او کندز ولایتونو کې اطلاعاتو ته د لاسرسي د اسانتیاو په تړاو غونډې وشوې.
په دغو ناستو کې د اطلاعاتو او کولتور ریاستونو مسوولینو، د ختيځ، مرکز او شمال ختيځ ولایتونو لپاره د کمېټې استازو، د یو شمې سیمه ییزو ادارو ویاندویانو او استازو او په دغو ولایتونو کې د سیمه ییزو رسنیو مسوولینو او خبریالانو برخه اخېستې وه.
د یادو غونډو پرمهال اطلاعاتو ته د خبریالانو د لاسرسي په ارزښت او اړوندو مسایلو په تړاو د خبرو اترو ترڅنګ، د حکومت له لوري اطلاعاتو ته د لاسرسي د زمینو پر ډېروالي ټینګار وشو.
په دغو غونډو کې حکومتي مسوولینو ژمنه وکړه چې رسنیو او خبریالانو سره به همکار وي او د خبریالانو د اړتیا ود اطلاعات به له هغوی سره شریکوي.
د افغان خبریالانو خوندیتوب کمېټه خبریالانو او رسنیزو کار کوونکو ته د خوندي کاري چاپیریال د رامنځته کېدو لپاره دوامداره هڅې کوئ.
